නියෝජ්‍ය විදුහල්පති පණිවිඩය
බ/වියලුව ඩී.එස්.සේනානායක ජාතික පාසල

බ/වියලුව ඩී.එස්.සේනානායක ජාතික පාසලේ දරුවන් උදෙසා සිදු කරනු ලබන කර්තව්‍යයට මුලින්ම මාගේ හදපිරි ප්‍රණාමයයි! ශ්‍රී ලාංකීය අනාගත මානව පරපුරේ දැනුම, කුසලතාවය, මානව ධර්මතාවලින් පරිපූර්ණ, සමබර පෞරුෂයෙන් හෙබි පුරවැසියෙකු ලෙස දැයට දායාද කිරීමේ අරමුණින්, දරුවන්ගේ කුසලතාවයන් එළිදැක්වීමට නිර්මාණය කෙරුණු අපූරු සඟරාවක් ලෙස මෙය ඔබට හඳුන්වා දිය හැක. එය අනාගත පරම්පරාවේ දැනුම,ආකල්ප,කුසලතා,යහපුරුදු,මානව ධර්මතා සහ සමබර පෞරුෂවත් පුද්ගලයන් බිහිවීමට දායක වන බව මම විශ්වාස කරමි.

තොරතුරු තාක්ෂණයේ දියුණුවත් සමග පැමිණි සමාජ මාධ්‍ය යනු වර්තමානයේ අපට නැතුවම බැරි මාතෘකාවක් බවට පත් වී හමාරය. එවන් වකවානුවක බ / වියළුව ඩී. එස් සේනානායක ජාතික පාසලටම වෙන් වූ වෙබ් අඩවියක් නිර්මාණය කිරීම පිලිබදව මුලින්ම මාගේ ස්තුතිය සහ හදපිරි සතුට ප්‍රකාශ කර සිටිමි.
එමෙන් ම අපගේ පාසල සම්බන්ද තොරතුරු සහ සිදුවීම් සමාජ මාධ්‍ය ඔස්සේ හුවමාරු කර ගැනීම සඳහා මෙම තාක්ෂණික මෙවලම මනා පිටිවහලක් වේ යැයි විශ්වාස කරන අතර මා , මෙම කාර්‍යය සඳහා කැප වුණු විෂය භාර ගුරුතුමිය සහ දරු දැරියන්ට ද ඔවුන්ගේ "සියලු කටයුතු සාර්ථක වේවා" යි සුබ පැතුම් එක් කරමින් මාගේ ප්‍රණාමය ද පිරි නමමි.